የሥራ አመራር ለውጥ

ጥር 7 ቀን 2010 ዓ.ም በባለአክስዮኖች እና በዳይሬክተሮች ቦርድ በተደረገው ስብሰባ ላይ ውዱ ሥራ አስኪያጅ አቶ ግዛቸው ሓጐስ ቦታውን ለመልቀቅ የደረሱበትን ውሳኔ አሳውቀዋል፡፡ በዚህ ምክንያትም የዳይሬክተሮች ቦርድ ውሳኔውን በመቀበል ሚ/ር ግራንት መዋት የብሔራዊ ትምባሆ ድርጅት ዋና ሥራ አስፈጻሚ እንዲሆኑ ሾሟቸዋል፡፡

አቶ ግዛቸው ብሔራዊ የትምባሆ ድርጅትን ከ23 ዓመታት በላይ በታማኝነትና በትጋት ያገለገሉ ሲሆን ከእነዚህ ዓመታት ውስጥም አሥራ አንዱን ዓመታት በሥራ አስኪያጅነት አሳልፈዋል፡፡ በዚህ ወቅትም ለድርጅቱ የላቀ አፈጻጸምና ዕድገት ከማምጣት ባሻገር ታላቅ የአመራር ብቃት አሳይተዋል፡፡ በእነዚህ ዓመታት ለሥራው ላሳዩት ትጋትም በጥልቀት የሚመሰገኑ ናቸው፡፡ አቶ ግዛቸው ሓጎስ የላቀ የሥራ አመራር ዕውቀት ያላቸው ሲሆን በተጨማሪም በአርቆ አስተዋይነት፣ የቅንነት እና የሐቀኝነትን ስብዕና ከመላበስ አንጻር ለሌሎች አርአያ ሊሆኑ የሚችሉ ናቸው፡፡ አቶ ግዛቸው በብሔራዊ የትምባሆ ድርጅት ውስጥ በሥራ አስኪያጅነት ማገልገል ቢያቆሙም የድርጅቱን አመራር በቀጣይነት በአማካሪነት ለመርዳት ፈቃደኛ በመሆናቸው አሁን የተሾሙት ሚ/ር ግራንት መዋት ደስተኛ መሆናቸውን ገልጸዋል፡፡

አሁን በአቶ ግዛቸው ምትክ የተሾሙት ሚ/ር ግራንት መዋት ከዚህ በፊት በጃፓን ቶባኮ ኢንተርናሽናል ውስጥ በተሻለ የኃላፊነት ቦታ የሠሩ ሲሆን አሁን የተሰጣቸው ኃላፊነት ያላቸውን የዓለም አቀፍ ካምፓኒ የመምራት ልምዳቸውን በመጠቀም ብሔራዊ የትምባሆ ድርጅት/ኢትዮጵያ/አ.ማ. ከጃፓን ቶባኮ ኢንተርናሽናል ጋር እንደሚያስተሳስሩ በማሰብ ነው፡፡

የብሔራዊ የትምባሆ ድርጅትን አመራር በተመለከተ ባለፉት 18 ወራት ሚ/ር ግራንት መዋት ከአቶ ግዛቸው በጣም ብዙ የተማሩ እንደሆነ እና እንደተተኪም ተቀራራቢ የሆነ አመራር ለማሳየት ተስፋ እንደሚያደርጉ ገልጸዋል፡፡

በቀጣዩ ዓመትም ሥራው በተለመደው መልኩ እንደሚቀጥል ሚ/ር ግራንት ያረጋገጡ ሲሆን ከሠራተኛው እና ከማኔጅመንቱ ጋር አብሮ ለመሥራትም ያላቸውን ፍላጐት ገልጸዋል፡፡

About this website

This is the corporate website of National Tobacco Enterprise (Ethiopia).

It does not sell, advertise or offer promotions for our products.

Visitors

Today216
Yesterday190
This week1835
This month5467
Total140775

Visitor Info : Unknown - Unknown
Powered by CoalaWeb
Copyright © 2018 National Tobacco Enterprise (Ethiopia) S.C